نكت مغربية

هذا واحد المكلخ تزدح بطيحة في واحد الفيراج ، ومشى عند الطبيب يعطيه شي دوا ، الطبيب عطاه الدواء وقال ليه دهن بيه بلاصت الطيحة ، مشى المكلخ ودهن الفيراج.؟

هادي هيفاء وهبي وإليسا ونانسي كانو راكبين في التران ، وكيتكلمو بيناتهوم عن فارس أحلام كل وحدة فيهم ، فهيفاء قالت أنا باغية نتجوج بكوميسير ، وإليسا قالت أنا باغية نتجوج بشي واحد صيني ، ونانسي قالت أنا باغية نتجوج بشي لاعب ديال الكورة مشهور ، وكان واحد بنادم طلق ودنيه كيتصنت عليهم وغير هما سالو الهضرة ديالهم وهو يخرج وقال ليهم ، نقدم لكوم نفسي : أنا الكوميسير يونج شونج المعروف بزين الدين زيدان.؟؟؟

قال ليك هادو واحد الثلاثة ، واحد فيهم مغربي والتاني صومالي والتالث أمريكي خرجوا في رحلة ، و في الطريق دخلو في واحد الغار ونعسو فيه ، وفاقو من بعد 400 سنة ، وكل واحد رجع لبلادو ، وفي الطريق شعل داك الصومالي الراديو ديالو وهو يسمع في الأخبار : إن الصومال لن تفرط أو تتنازل أبدا عن حقها المشروع والتاريخي في مدينة نيويورك ، الأمريكي حتى هو شعل الراديو فسمع نشرة الأخبار الأمريكية وهي تقول : إن أمريكا تناشد الأمم المتحدة للتدخل لوقف العدوان الصومالي عليها ، وتحذر من أنها ستدافع عن أرضها حتى يسقط آخر جندي دفاعا عن الوطن؟. أما المغربي فشعل الراديو لقا الأخبار ديال الثامنة بادية وفيها : ما عطانا ما عطيناه .. التراكتور حنا اللي بغيناه.؟؟؟
وكل تراكتور وأنتم بخير

هذا واحد العروبي مشى للبحرعين الدياب ، شاف البنات كيتشمسو ، قال لواحد الشمكار؛ ناري كون كانت السيبة. رد عليه الشمكار؛ كون كانت السيبة نبدا بيك أنت الاول

نصيحة : إلا طاح ليك درهم في جامع الفناء بمراكش ، فلا يجب أن تنحني لإلتقاطه. بل إدفعه برجلك حتى ابن كرير. وشكرا...


هدا واحد الراجل اشترى سمكة كبيرة.
الزوجة: آخ...الحوتة خانزة...
الزوج: علاه أنت عايمة فحالها.

الفاسي: أنا شريف ولد مولاي ادريس الشريف.
المراكشي: حتى أنا شريف ولد سبعة رجال...
الفاسي: هي أنت ولد الباغية، الأم وحدة والاب سبعة



هدا واحد الدكالي آنفجر في وسط سوق خميس الزمامرة...آشنو الإرهاب، لقاوه واكل صندوق ديال الكرموس الهندي

بارك الله فيك