جديد مطبخ ...

السلام عليكم ورجمه الله وبركاته

وكل عام وانتم بخير .. <<مع انها جايه متاخر ،،

حيآآآكم جديد مطبخ " بنت طلال "

اليوم الطبق راح يكون " بشاميل بالخضار والفطر "



نبدأ بسم الله


المقادير :




1. معكرونه
2. حبتين جزر
3. فلفل حلو
4. لحمه مفرومه
5. حليب بودرة
6. جبنه مزورولا
7. خلطه البشاميل
8. صلصله (طماطم)
9. فطر
10. زنجبيل



الخطوة الاولى : " عمل خلطه البشاميل "





اول شي نغلي الحليب على النار لحد ما يذوب وبعدين نضيف عليه خلطه البشاميل

ملاحظه : كل كوب ماء عليه اربع معالق كبيرة حليب واحنا محتاجين اربع اكوب ، يعني 4x4 يعني 16 معلقه حليب




بعدين نحرك الخليط على النار لحد ما نحس انه تماسك وصارت الحركه اثقل مع التحريك وتطلع النتيجه مثل الصورة التاليه




وهنا بنكون خلصنا خلطه البشاميل نسكر عنها ونحطها على جنب ..

/
/

الخطوه الثانيه : " سلق المعكرونه "



نحط على النار ماء وملح وزيت ولما يغلي الماي نصب المعكرونه وبعدها نخليها على النار لفتره لحد ما تنضج وبعدين نصفيها وتصيير بهالشكل




/

/


الخطوه الثالثه : "حشوه اللحم والخضار "




في الصورة : علبه صلصه ، فطر مقطع ، فلفل مقطع مربعات صغيره ، جزر مبشور ، لحمه مفرومه ، وزنجبيل



اول شي نحط الفلفل ونخليه يحمر شوي وبعدين نضيف عليه الفطر ونخليهم على النار شوي لحد ما يتغير لون الفطر




بعدها نضيف اللحمه المفرومه ونبشر شويه زنجبيل




بعدين نضيف الصلصه ونضيف الملح والفلفل والبهارات ونحرك المقادير




واخر شي نضيف الجزر ونقلب المقادير اخر قلبه


/

/


الخطوة الرابعه والاخيرة : " ترتيب الطبقات "





مثل ما هو واضح في الصورة ان كل شي جاهز والحين نبدا بترتيب الطبقات



نحط جزء من المعكرونه في صحن ونضيف عليه شويه من خلطه البشاميل ونحركهم




وبعدين نحط في الصحن طبقه من المعكرونه والبشاميل وبعدها نحط الطبقه الثانيه اللي هي اللحمه والخضار



وبعدين نحط طبقه ثانيه من المعكرونه ونغطيها بطبقه من البشاميل وندخلها الفرن ،،ونفتح الفرن من تحت ولما نحس انها بدت تتماسك نفتحه من فوق لتحمير ..

وبتصير بالهشكل ..





حالوا تخلونها افتح من هاللون << لاني حمرتها بزياده
وبعدها نطلعها من الفرن ونحط عليه الجبنه المازرولا وندخلها الفرن مرة ثانيه

في ناس ما تحبها بالجبنه فالجبنه مو شي اساسي بس تعطي طعم احلى


وبتصير بهالشكل ..




واللي يحب الكاتشب يجربه معاها لانه طعمه يجنن ..




/
/

وبالعافيه ان شاء الله .،، وان شاء الله تكون اعجبتكم ..